|
واشنګټن: البلوي د القاعدې او امريكې دواړو جاسوس وو |
|
|
|
پخلا
|
|
Tuesday, 05 January 2010 |
|
هغه ځانمرګى بريد كونكى چې د خوست په ولايت كې د امريكې د استخباراتو په دفتر كې حمله ترسره كړه،د اردن د استخباراتو او القاعده دواړو اردني جاسوس وو،د NBS كانال دلويديځو استخباراتو چارواكيو په حواله خبر وركړى چې د ځان وژونكى هويت دا ښيي چې هغه حمام ابولخليل البلوي نوميده چې ۳۶ كلن ډاكټر وو او د اردن د زرقاء اوسيدونكى وو. راپورونه وايي چې نوموړى په لومړى ځل د القاعده خواخوږى وو،چې وروسته ونيول شو او د اردن داستخباراتو ادارې وګماره او ورته يې دنده وركړه چې د القاعده د لوړې سطحې په مشرتابه كې نفوذ وكړي او ددې شبكې د مرستيال ايمن الظواهري ځاى مشخص كړي راپورونه وايي چې د اردن چارواكيو ګمان كاوه چې هغه دېته غاړه ايښې وه ، چې د اردن او امريكا خواته ورواړي خواداسې ښكاري چې هيڅكله دې تروريستي ډلې ته شاه نه كړه. ديادونې وړ ده ، چې البلوي د تيرې چهارشنبې په ورځ په خوست ولايت كې د امريكې د استخبارتي ډلې په دفتر كې خپل ځان والوزاوه او د امريكې د استخباراتو اوو غړي او يو اردني چې علي بن ظاهر نوميده ووژل.
|
