كابل: دکابل دساحوي زون دامنيې قوماندانۍ يومقام وايي، چې پوليسو يو سوداگر چې تېرماښام دشهرارا دبره کي له ساحې څخه تښتول شوى و و،خوشې کړ اويوتښتوونکى يې ونيو.

دکابل دساحوي زون دامنيې قوماندانۍ مرستيال سمونوال خليل دستياردافغانستان دولتي خبري اژانس (باختر) ته ويلي، چې پوليسو ديوتجارتي شرکت رييس چې وړمه ورځ دشهرارا دبره کي له ساحې څخه تښتول شوى وو، دکابل ښار دشپږمې ناحيې په ساحه کې تثبيت اودى يې دعملياتو له ترسره کولو وروسته خوشې  کړ، اوس دغه سوداگر چې دتښتوونکو له خوا په پښه ټي شوى په روغتون کې بستردى .

 دکابل دساحوي زون دامنيې قوماندانۍ دمرستيال دڅرگندونو له مخې، يو تښتوونکى له وسلې سره ونيول شو اوپوليس ددغې شبکې دنوروغړو دنيولو په لټه کې دي.

ديادونې وړ ده،وسله وال کسان چې په يو موټرکې کې سپاره ول، تېر ماښام يې ديو تجارتي شرکت رييس دبره کي له ساحې څخه وتښتاو چې له دې پيښې وروسته دکابل ښار ټول واټونه ترسخت امنيتي پوښښ لاندې راغلل اوپوليسو دڅوساعتونو له تېريدو وروسته وکړاى  شول چې تښتول شوى سړى پيداکړي.